బారు,బీరు,బోరు,జోరు అనే పదాలతో దత్తపది

బారుకు హిందీలోనెక

బీరు కవితలల్లి గొప్ప పేరును పొందెన్

బోరుగొలుపవీ కవితలు

జోరుగ నీతులు నుడివెనుసుందరశైలిన్

వాచ్, విగ్గు, చైను, టై తో దత్తపది

ఉ.
కళ్ళకు జోడు ఫాషనుకు కాలముదెల్పగరిష్టువాచ్ యు,హా!
చెల్లని తెల్ల జుట్టు ధర చెల్లగ నల్లని విగ్గు తో మెడన్
కళ్ళెమువోలెచైనులును కాళ్ళకు చెప్పులునెత్తుపెంచగా
సెల్లుయు టై బిగించి చను శీఘ్రమెమానవుడగ్రగామియై.

గారెలు,బూరెలు,సారెలు,చీరెలు

కం.

గారెలుయన్నాయన, మరి

బూరెలు సంక్రాంతినాడు బుట్టెడు యరిసెల్

సారెలు బోలెడు యిస్తిని

చీరెలు, నాకన్న మిన్న చెల్లికి పతియున్.

బారు, బీరు, బోరు, జోరు

కం. బారుకు హిందీలోనె, క

బీరుకవితలల్లి గొప్పపేరున్ పోందెన్

బోరుగొలుపవీరచనలు

జోరుగ నీతులు నుడివెను సుందరశైలిన్

మొత్తం కాళ్ళెన్ని?

కం.

బల్లికి నాలుగు కాళ్ళున్

పిల్లికివలెనే, ఎనిమిది పిల్లుల కొకటే

తల్లి, మరి బల్లి తల్లికి

చెల్లికి కలిపెన్నికాళ్ళు చెప్పవె బాలా!

దత్తపది – బల్లి, పిల్లి, తల్లి, చెల్లి.

1.
కం. బల్లి తల మీద పడినను,
పిల్లియునుదయముననె కనిపించిన చెప్పెన్
తల్లియు దోషమనుచు, మరి
చెల్లియు కాదాయెదోషి చెప్పుము కృష్ణా!
భావము :- బల్లి తల మీద పడినచో దోషము, పిల్లిని ఉదయమున చూచిననూ దోషమని తల్లి పిల్లలకు చెప్పెను. మరి చెల్లి ఎదురైనా,పైబడినా దోషము కాదనుట ఎట్లు సమంజసమో చెప్పుము అని అతడు కృష్ణుని ప్రార్ధించెను.
2.
కం. బల్లిదుడా’రాజన్న’యు
పిల్లినిగనెనేమొ! పెల్లుబికిన తుఫానున్
తల్లికి, యాంద్రావనిలో
చెల్లికి, మనకందరికి సెలవును చెప్పెన్.
భావము :- ప్రతిపక్షాలను నిర్దాక్షిణ్యముగా అణగదొక్కి మహాబలవంతుడని పేరొందిన ఆ రాజశేఖరరెడ్డి ఎంత గొప్పవాడైనప్పటికీ ఉదయమున పిల్లి మొహము చూసినాడో ఏమో ! లేనిచో అంతటి ఘోర ప్రమాదము ఎలాజరిగేది. భీకర తుఫాను బారిన పడి , తెలుగు తల్లికి, ఆంధ్రదేశములోని తన అక్కలకూ చెల్లెళ్ళకూ,మనకందరికీ సెలవుచెప్పి వెళ్ళిపోవలసివచ్చింది
3.
కం. బల్లి.మహేంద్ర పొలములో
పిల్లిపెసర కాయలేరి, పిల్లలధికమౌ
తల్లి భరతమాతను, తన
చెల్లికని తయారు చేసె, చిరుకానుకగా!
భావము :- బల్లి.మహేంద్ర అను పేరుగల బాలుడు పొలములోని పిల్లిపెసర కాయలనుదెచ్చి , వాటితో అందమైన భరతమాత బొమ్మను తన చెల్లికి కానుకగా ఇచ్చుటకు తయారుచేశాడు.