దోమ-చీమ ( ప్రేమ వివాహం)

దోమ ప్రేమించి పెండ్లాడె చీమను , గది
లోపల పరుండె చీమ, దోమ బయటుండె
మొదటి రేయి ఎందుకనగా మోసపోయె
దోమ ఆలౌట్ను వెలిగించె దొంగముండ

వాచ్, విగ్గు, చైను, టై తో దత్తపది

ఉ.
కళ్ళకు జోడు ఫాషనుకు కాలముదెల్పగరిష్టువాచ్ యు,హా!
చెల్లని తెల్ల జుట్టు ధర చెల్లగ నల్లని విగ్గు తో మెడన్
కళ్ళెమువోలెచైనులును కాళ్ళకు చెప్పులునెత్తుపెంచగా
సెల్లుయు టై బిగించి చను శీఘ్రమెమానవుడగ్రగామియై.

గరుడుడు గణపతి కనుజుడుగావలెనహహా

కం.

తిరిగెనెవడమృతమునకు? ఎ

వరికి చవితినాడు పూజ వరముగ జరుగున్?

భరతుడురామునకేమగు?

గరుడుడు గణపతి కనుజుడుగావలెనహహా

గారెలు,బూరెలు,సారెలు,చీరెలు

కం.

గారెలుయన్నాయన, మరి

బూరెలు సంక్రాంతినాడు బుట్టెడు యరిసెల్

సారెలు బోలెడు యిస్తిని

చీరెలు, నాకన్న మిన్న చెల్లికి పతియున్.

కాకిని గని రావణుండు కౌగిలి కోరెన్

కం.

నాకోరిక తీర్చుమనుచు

యాకామకళాప్రవీణయానందముతో

యాకులసతిసీతను యే

కాకిని గని రావణుండు కౌగిలి కోరెన్

బారు, బీరు, బోరు, జోరు

కం. బారుకు హిందీలోనె, క

బీరుకవితలల్లి గొప్పపేరున్ పోందెన్

బోరుగొలుపవీరచనలు

జోరుగ నీతులు నుడివెను సుందరశైలిన్

మొత్తం కాళ్ళెన్ని?

కం.

బల్లికి నాలుగు కాళ్ళున్

పిల్లికివలెనే, ఎనిమిది పిల్లుల కొకటే

తల్లి, మరి బల్లి తల్లికి

చెల్లికి కలిపెన్నికాళ్ళు చెప్పవె బాలా!