గారెలు,బూరెలు,సారెలు,చీరెలు

కం.

గారెలుయన్నాయన, మరి

బూరెలు సంక్రాంతినాడు బుట్టెడు యరిసెల్

సారెలు బోలెడు యిస్తిని

చీరెలు, నాకన్న మిన్న చెల్లికి పతియున్.

కాకిని గని రావణుండు కౌగిలి కోరెన్

కం.

నాకోరిక తీర్చుమనుచు

యాకామకళాప్రవీణయానందముతో

యాకులసతిసీతను యే

కాకిని గని రావణుండు కౌగిలి కోరెన్

బారు, బీరు, బోరు, జోరు

కం. బారుకు హిందీలోనె, క

బీరుకవితలల్లి గొప్పపేరున్ పోందెన్

బోరుగొలుపవీరచనలు

జోరుగ నీతులు నుడివెను సుందరశైలిన్

మొత్తం కాళ్ళెన్ని?

కం.

బల్లికి నాలుగు కాళ్ళున్

పిల్లికివలెనే, ఎనిమిది పిల్లుల కొకటే

తల్లి, మరి బల్లి తల్లికి

చెల్లికి కలిపెన్నికాళ్ళు చెప్పవె బాలా!

దత్తపది – బల్లి, పిల్లి, తల్లి, చెల్లి.

1.
కం. బల్లి తల మీద పడినను,
పిల్లియునుదయముననె కనిపించిన చెప్పెన్
తల్లియు దోషమనుచు, మరి
చెల్లియు కాదాయెదోషి చెప్పుము కృష్ణా!
భావము :- బల్లి తల మీద పడినచో దోషము, పిల్లిని ఉదయమున చూచిననూ దోషమని తల్లి పిల్లలకు చెప్పెను. మరి చెల్లి ఎదురైనా,పైబడినా దోషము కాదనుట ఎట్లు సమంజసమో చెప్పుము అని అతడు కృష్ణుని ప్రార్ధించెను.
2.
కం. బల్లిదుడా’రాజన్న’యు
పిల్లినిగనెనేమొ! పెల్లుబికిన తుఫానున్
తల్లికి, యాంద్రావనిలో
చెల్లికి, మనకందరికి సెలవును చెప్పెన్.
భావము :- ప్రతిపక్షాలను నిర్దాక్షిణ్యముగా అణగదొక్కి మహాబలవంతుడని పేరొందిన ఆ రాజశేఖరరెడ్డి ఎంత గొప్పవాడైనప్పటికీ ఉదయమున పిల్లి మొహము చూసినాడో ఏమో ! లేనిచో అంతటి ఘోర ప్రమాదము ఎలాజరిగేది. భీకర తుఫాను బారిన పడి , తెలుగు తల్లికి, ఆంధ్రదేశములోని తన అక్కలకూ చెల్లెళ్ళకూ,మనకందరికీ సెలవుచెప్పి వెళ్ళిపోవలసివచ్చింది
3.
కం. బల్లి.మహేంద్ర పొలములో
పిల్లిపెసర కాయలేరి, పిల్లలధికమౌ
తల్లి భరతమాతను, తన
చెల్లికని తయారు చేసె, చిరుకానుకగా!
భావము :- బల్లి.మహేంద్ర అను పేరుగల బాలుడు పొలములోని పిల్లిపెసర కాయలనుదెచ్చి , వాటితో అందమైన భరతమాత బొమ్మను తన చెల్లికి కానుకగా ఇచ్చుటకు తయారుచేశాడు.

ళ్ళ

బళ్ళోకెళ్ళరువీళ్ళు

పెళ్ళికివెళ్ళుటమరువరువీళ్ళూళ్ళెళ్ళీ 

పెళ్ళిళ్ళవిందు చళ్ళా

పిళ్ళారాయుళ్ళు విందుకెళ్ళుమళ్ళీ

గుళ్ళో పందిళ్ళళ్ళిరి

ఊళ్ళో ఇళ్ళకు తలుపుకు గొళ్ళెముపెట్టే

వెళ్ళిరి వీళ్ళూవాళ్ళూ 

పెళ్ళిలో భోజనము చేసె పెళ్ళోళ్ళెళ్ళెన్

స్స

దేశము యశస్సు నోజస్సు లెస్సగుండ

బాలల వయస్సు నాయుస్సు తగ్గకుండ

చదువ మేధస్సు తేజస్సు చక్కగుండ

జరిపెడి తపస్సున మనస్సు జారకుండ

నిండిన సరస్సు వర్ఛస్సు వీడకుండ

అవని నిస్సారముస్సూరుమనకయుండ

అగ్నికి ఉషస్సు నెహవిస్సుహారతిచ్చి

ఉత్సవము చేసిరుత్సాహమొప్పధరణి.

ర్ష

హర్షా! వర్షముపడిపలు

వర్షములర్హము రక్షణయని రాజర్షుల్

ఘర్షణపడగా క్షణములో

కర్షక హర్షము నకు నొక వర్షము కురిసెన్  

శ్శ

ఆదర్శమే విమర్శలు

సుదర్శన! నిదర్శనమిది దుశ్శీలముకున్

యాదుశ్శాసను నిశ్శం

కదునుమ నిశ్శేషమగు మనశ్శాంతియగున్

వ్వ

నవ్వుతు దువ్వెనతో తల

దువ్వెదవూ రవ్వలడ్డు బూందీ గవ్వల్ 

బువ్వలు పెట్టెడి నవ్వుల

పువ్వువు వెలుగివ్వు దివ్వె నువ్వేనవ్వా.

ల్ల

మల్లికొకబుల్లిచెల్లీ

ఇల్లిల్లూతిరిగి చల్లతెచ్చీ మళ్ళీ

అల్లరిలేకెల్లుబడికి

తల్లికిచెల్లనదు పేరట కనకవల్లీ

ర్ర

గొర్రెల కుర్రాడెర్రని

కిర్రను చెప్పులును చర్రుచిర్రనువెర్రిన్

కర్రను నెర్రనివీగని

గుర్రము గుర్రనుచు దడిసి బుర్రునబారెన్

య్య

గొయ్యిని తియ్యకు, నుయ్యిని

ముయ్యకు, దయ్యము కలదని కుయ్యకుమయ్యా!

అయ్యనుయమ్మను నొయ్యకు

సెయ్యకు కయ్యము, గురువుతొసైయ్యనకెపుడున్.