మ్మ

అమ్మేమో మమ్ము రమ్మనె

బొమ్మల ముమ్మరము చూడ బొంబాయికినీ

వమ్మనకు , పొమ్మనమ్మా!

అమ్ముమ్మిమ్మన్న సొమ్ముమాకిమ్మమ్మా.

బ్బ

డబ్బుల డబ్బా దొబ్బిరి

సబ్బును రిబ్బను కొనవలెనబ్బా! దుబ్బున్

యుబ్బిన అల్లం రెబ్బకు

సుబ్బులు దబ్బున నిరువది రూకలు యిచ్చెన్.

ప్ప

అప్పులుసెయ్యకుమెప్పుడు

మెప్పునులేదుతెగతీర్పతిప్పలునొప్పున్

గొప్పగనొప్పరునెక్కడ

చెప్పకుమిదియప్పనితగదెప్పుడుతప్పున్

న్న

తిన్నడు కన్నును పీకన్

కన్నులు మూడున్నవైన కాదన్నావా?

ఎన్నున్నా? నీకన్నా

కన్నడి మనసెన్న వెన్నకన్నా మిన్నే!

ద్ద

ముద్దుగ పెద్దలు వద్దన

కద్దని విద్దెను విడిచితి హద్దులు మీరిన్

మొద్దువి ఈ రెండెద్దులు 

వొద్దుర నీకివి చదువుము యుద్ధతిపొందన్

త్త

అత్తా అత్తరు సీసా

ఉత్తది ధనమిత్తువటనె కొత్తది తెత్తున్

చెత్తకు వేయర సత్తిగ 

ఉత్తుత్తీ సుత్తి మాని కొత్తది ఉందీ.

ణ్ణ

కర్ణమున పుట్టి కర్ణుడు 

పర్ణముపైపెట్టెలో జనార్ణవ మేగెన్

కర్ణుని వర్ణన తరమే

వర్ణవివర్ణము సవర్ణవర్ణన చేయన్

డ్డ

యెడ్డెము తెడ్డెము జిడ్డున్

దొడ్డది యడ్డమగు పాము నొడ్డగగడ్డై 

వొడ్డాణమొడ్డె కాకియు

యడ్డమగు పుట్టలొ, పాము నడ్డియువిరిగెన్

ట్ట

అట్టిట్ట చూచి గుట్టుగ

పెట్టె పగులగొట్టి పట్టు చీరెలు తీయన్

చిట్టి కనిపెట్టి దొంగను 

తిట్టెను మొట్టెను చివరకు నెట్టెను కొట్టెను

జ్జ

బుజ్జాయి బుజ్జి బొజ్జకు

అజ్జీర్ణ మొలదెని కజ్జికాయలు గుజ్జుల్

మజ్జిగగుడిపెనుబెజ్జమ

ముజ్జగముల బుజ్జియనుచు ముద్దుగ బుజ్జీ

బుజ్జికి గజ్జెలు గారెకు

బెజ్జము బొజ్జయు గణపతికెంతో అందం

మజ్జయు ఎముకకు కన్యకు

లజ్జయు ఒజ్జలు బడికిని కావలెబుజ్జీ

చ్చ

మచ్చలయావది ! పచ్చని

పచ్చిక కుచ్చువిడమెచ్చి పలుపాలిచ్చున్

మచ్చలదది! పనికొచ్చా?

మ్రుచ్చుది, పిచ్చిదని తన్న  నొచ్చును చచ్చున్.

గ్గ

ధిగ్గున ముగ్గురు జగ్గులు

మగ్గులు పెగ్గులు కొనిరట భగ్గున మండన్

బిగ్గర గరచి మొగ్గిరి

సిగ్గులు ఎగ్గులు విడచిరి నెగ్గిరి తగవున్

క్క

రెక్కలు ముక్కలు సలిపీ

లిక్కితొ చక్కగ బొరుసులు చెక్కి తినక్కా!

పిక్కలు, చెక్కిలి నొక్కులు

ముక్కును ముఖమునిటుచూడుమొక్కటి గొనుమా!

హ

ఇహ సాహసి సింహమును

స్నేహముతో సంహరించెదిహిహీయనగన్

గుహనూహించహమున్ చని

మహీశుడాహారమయ్యె కలహమునహహా.

స

గ్రాసము మాసముతో సరి

యసలె సరసు సలిలముడిగె వరుసగనెండున్

వసతి గల చోటనె బస

చేసెదము విలాసగతియది బకములారా! 

ష

ఆషా ఉషా హుషారుగ
భాషా షాపులో మిషనుల బహుషోకులనూ
భేషుగ జూసి తమాషా
వాషిన్గు మిషను కొనిరి శభాషన గొప్పెన్.

శ

ఆశరవణు శబ్దము సే

య  శరము నిడ నతిశయముగ  జంపెను  శిశువున్

నాశోకవశమునకటా!

యశోవిశాలి దశరధుడు శాపము నొందెన్.

వ

రావణుడనె కలవరపడి

నవనిలో వాలములె వాసి వానర మూకన్

కావలె వాల వికారుడు

నవమానవిధి, విను వీని వాలము కాల్చన్

ల

వాలిబలశాలిలేయవ

లీలగ రామశరమునకు నేలకు గూలెన్

యిలలో లంకకు రాజై

తలలు పదులైననేమి వాలెనుతూలెన్.

ర

కంకర దారిరో, బారుకు 

వంకరటింకరరో , శంకరాపురమునకూ

జంకరె పాములు తిరుగ, భ

యంకర యేరోకటి బారు రానిక నటకున్

గారెలు బూరెలు జోరును

కరకరమను మొరమొరాలు ఖర్జూరాదుల్

చెరుకురసమరటి కొబ్బరి

నీరును గొనుమా తిరుమల వేంకట రమణా!

య

హాయిగ కాయలు తినవయ

దయామయ గణితమయోమయమయా,

దయసమయమె, యిస్తినయా

సాయము సేయవె వినాయకా మరువకుమా.

మ

జానకి మనమును మురిపిం

చిన రామునిమేకనవలెవినుమా మనవీ

మన మందరమూశ్రీరా

మనవమికి భద్రగిరి వెళదామా! మామా!

బ

బాబా పాముకు భయపడి

డాబా ఎక్కి బిగబట్టి బలముగనరిచెన్

బాబాయి వచ్చె గబగబ

దబదబ తల బగలకొట్టె  లబలబ చచ్చెన్ 

ప

పాపకొక పూసల పలక

రూపాయి పొడుగు బలపము జులపాలొ ప్పన్

పాపిడి, మిఠాయి, మైసూ

రుపాకు పిల్లలకు తెచ్చెపూజిత బడికిన్.

న

ధన మదమున కానక సతి

వినయవతియు, సుతులు గుణశీలురునైనన్

విన నెడ శూకరమనరే 

తనయుని జననీ జనకుల మాటను విననా.

ద

అందరు దూరం కారా

ఎందుకు రాలేదని నను నిందింతురదే

తొందరగొచ్చెదమిదిగో 

ముందుగ విందుకు వెళదమ సుందరవదనా

త

ఉంటానెంతో తోడుగ

నంటే తానే తగూకు వస్తాడంతే

తుంటరి తమ్ముడు తంతే

వెంటనె తాతతో తిరుపతి వెళతా మాతా.

ణ

ఫణి, మణి, వాణీ, వీణా

బాణాసంచాకు వారణాసికి వెళ్ళెన్ 

విణుకుమిణుకులణకువగని

కాణీపాకగణపతి దుకాణమున కొనెన్.

డ

వడివడి నన్నము వండిరి

వడలావడలప్పడాలువడియాల్కిచడీ

వేడి పకోడిని, లడ్డును

ఘడియలో వడ్డించె పెళ్ళిసందడి విందున్.

ట

కోటికి నీటులు   యేటా

బాటా చెప్పులు కొనునట యవిలేవకటా

రేటైన నేటి  మేటా

సాటా బాటాకి చెప్పు టాటా చెపుతా.

జ

రాజా రోజూ తినునొక
కాజా, పుట్టినదినమని తాగెను తాజా
మాజా పూజా,తేజా
రోజా తెచ్చె బహుమతిగ రోజాకూజా.

చ

చిటచిట చినుకులు చిందగ
నీటుగ లేచిరి చకచక చేలకు చేరీ
చిటికెలొ చదరము చేసిరి
పాటును చూచిరి మొలకలు చల్లిరి పొలమున్.

గ

ఉంగరము పోయె గంగది
బంగారుదనీ వెదుకుతు గాబర పడగా
రంగకు దొరుకగ గబగబ
ఉంగరమివ్వగ బదులుగ బొంగరమిచ్చెన్.

చెంగావి చీర హంగులు
బంగారు చెంగులు జిలుగు రంగుల పొంగున్
ఉంగరములుంగిరగిరల్
లంగాలు నెవరికి వారె భజరంగభళీ.

క

కొక్కొరుకోయనె కోడీ
టక్కున కాకాయనుచును కాకీ, గూట్లో
నిక్కీ కిచకిచ పిచ్చుక
నిక్కము కిలకిల పలుకుచు లేచెను చిలుకా.

కంకర దారిలో బారుకు
వంకర టింకరరొ శంకరాపురమునకూ
జంకరె పాములు తిరుగ,భ
యంకర యేరొకటిబారు రానికనటకున్

అం

అంబిక అందాల రాణి - అమ్మకు అన్నీ అందించును
అంగడి కెళ్ళి అన్నీ తెచ్చి - చెల్లికి అంకెలు నేర్పును
అంతేకాదు అందంగా - బొమ్మలు గీయును
అంత్యాక్షరిలో అంతాముందే - అందరి మన్నన అందుకుంది
అందుకే అంబిక అంటే అంజలి టీచరుకూ మాకూ ఎంతో ఇష్టం.

ఔ

ఔరంగాబాద్ లో ఔరంగజేబు
ఔట్ల పండుగనాడు ఔన్నత్యం కోసం
ఔదార్యంతో ఔషధాలు పంచాడు
ఔరౌర! ఔచిత్యమంటే ఇదేగా!
ఔనౌను! అందరు ఆయన ఔన్నత్యాన్ని పొగిడారు.

ఓ

వైజాగ్ ఓడరేవులో - ఓడలు చూడర !
ఓహోహో చూడర - ఉండవల్లి ఓ వింత !
ఓరోరి చూడర - ఓరుగల్లు అందము !
ఓనమాలు నేర్చుకోర - ఓటమి లేదు !
ఓర్పుగ చదివి ఎదగరా - ఓ మంచి మనిషిగ !

ఒ

ఒప్పుల కుప్పా! - ఒయ్యారి భామ !
ఒంగోలు ఎద్దులు - ఒకటో నెంబర్ !
ఒక ఒర లో ఒప్పును - ఒకటే కత్తి !
ఒరిస్సాలో వినవలె - ఒరియాభాష !
ఎడారి ఒంటెకు - ఒయాసిస్సులే జీవం
ఒకడే ఒంటరిగుంటే - ఒప్పరు ఎక్కడ

ఎ,ఏ,ఐ.

ఎర్రని ఎండలొ ఎగురకు ఎన్నడు
ఎత్తుగ ఉండెడి కొండను ఎక్కకు
ఎద్దుల బండికి ఎడమగ వెళ్ళూ
ఎవ్వరి తప్పును ఎదురుగ ఎన్నకు
ఎరుగని వారిని ఎక్కడ నమ్మకు
ఎన్నన్నా అమ్మను ఎన్నకు ఎప్పుడున్

ఎవరెస్టు శిఖరం ఎత్తూ ఎంత ?
తాజ్ మహల్ ఎక్కడ? ఎప్పుడు కట్టిరి?
చార్మినార్ కట్టినదీ ?ఎవరూ? ఎందుకు?
ఎనిమిదో ఎక్కము ఎట్లో ? చెప్పు?
దిక్కులు ,మూలలు , చుక్కలు ఎన్నో? చెప్పు?
ఎరుగుదు, ఎరుగుదు నన్నీ దిక్కులు , మూలలు
ఎనిమిది. చుక్కలు ఎన్నో? లెక్కకు ఎట్టా?

ఏడు కొండలు కు ఏడు ఏండ్లు
ఏరోజూ ఏడవకుండా బడికి రాడు
ఏపనీ చేయడు ఏమన్నా ఏమనుకోడు
ఏదో ఏదేదో చెప్తాడు ? ఏమిటిది?
ఏం చెయ్యాలనుకుంది టీచర్
ఏమనకుండా ఏలూరు తీసుకెళ్ళి
ఏనుగు బొమ్మను కొనిపెట్టిందంతే
ఏడాది పొడవునా ఏనాడూ బడి మానలేదు.

ఐజాక్ ది ఐలవరం - ఐదో తరగతి చదువును
ఐర! ఐరావతమెక్కి - ఐనవోలు వెళ్ళెను
ఐదు రూకలనిచ్చి - ఐసు క్రీము తినెను
ఐ!ఐ! అనుచూ - 'ఐతే' సినిమా చూచెను
ఐకమత్యమే బలమని - ఐశ్వర్యకు చెప్పెను.

ఋ

ఋణం ఋణం ఋతువుకో ఋణం
వసంత ఋతువులో ప్రకృతి ఋణం
గ్రీష్మ ఋతువులో చిరు జల్లుల ఋణం
వర్ష ఋతువులో వరుణదేవుని ఋణం
శరత్ ఋతువులో చేమంతుల ఋణం
హేమంత ఋతువులో భానుని ఋణం
శిశిర ఋతువులో రాలిన ఆకుల ఋణం

ఊ

ఊహా, ఊర్మిళ వేణువు ఊదుచు
ఊరు దాటి వెళ్ళీ ఊపిరి ఆడక
ఊటబావిలో ఊరిన నీటిని త్రాగీ
ఊడల మర్రికి చేరీ ఊయల ఊపుగ
ఊగుతు, ఊగుతు రైలును చూసీ
ఊటుకూరు అత్త వచ్చునని ఊహతొ
ఊపుగ ఉరుకుతు ఊరికి చేరిరి

ఉ

ఉన్నతమైన ఉద్యోగం
ఉద్వేగంలో ఉపశమనం
ఉల్లితో ఉపాహారం
ఉమాపతిపై ఉడతాభక్తి
ఉన్నదానిలో ఉచితసాయం
ఉజ్వలభవితకిదే ఉదాహరణం

ఈ

ఈ జిల్లా ఈపూరులో ఈశ్వర్
ఈతాకులతో , కాకి ఈకలతో
ఈమానం చేశాడని , ఈలలు వేస్తూ
ఈదర గాలిలో ఎగిరాడనీ " ఈగల్ "
అవార్డు ఇస్తారనీ, ఈతరానికి
ఈ వింత ' ఈటీవీ ' లో ఈ
సాయంత్రం చూపుతారనీ ఈరోజు
ఈనాడు పేపరులో వేశారు

ఇ

ఇదే! ఇదే! ఇందిర ఇల్లు, ఇనపగేటూ
ఇటూ అటూ ఇటుకతో అరుగులు
ఇంటి ముందర ఇనుప తడికలు
ఇంటి పెరట్లో ఇంకుడు గుంట
ఇంజనీరు కట్టిన ఇంద్రభవనం ఇదుగో!

ఆ

ఆదివారం ఆనంద్ ,ఆమని ఆరుకులేచీ
ఆవును మేపుతు ఆమడ నడిచిరి
ఆకలివేయగ ఇంటికెళ్ళి ఆరగించిరి
ఆకుతోటకు వెళ్ళి ఆటలు ఆడిరి
ఆకులు తెచ్చి ఆంజనేయుని ఆరాధించిరి

అ

నా అసలు పేరు అరవపల్లి అనుపమ
నన్ను ఆందరూ ఆనూ ఆనూ అంటారు
మా ఆక్క అరుణ , తమ్ముడు ఆవినాష్
ఆమ్మ ఆనూరాధ, నాన్న ఆమరనాధ్
మేము అందరం అనంతపురంలో ఉంటాం.